આલ્બર્ટ બેલ

          આલ્બર્ટ બેલ (૧૮૯૬..૧૯૧૭)
         આજે તારીખ ૧૪ ઓગસ્ટ આપણી આઝાદીની પૂર્વ સંધ્યા અને પાકિસ્તાનનો સ્વતંત્રતા દિવસ . આજના દિવસે પ્રર્શિયાના રાજા ફેડરિક વિલિયમ પ્રથમ અને  બ્રિટિશ કેપ્ટન આલ્બર્ટ બેલનો જન્મદિવસ છે.
         બ્રિટનમાં નોટીંઘમશાયર કાઉન્ટીમાં લેન્ટન ખાતે આલ્બર્ટ જનમ્યાં હતાં. પિતા વ્યવસાયી જીવનમાં વ્યસ્ત હતાં તો પુત્ર આકાશી  ઊંચાઈઓને છૂવા સ્વપ્ન સેવતો હતો. અભ્યાસ પછી બ્રિટનમાં જ ફાઇટ પાઇલટ બન્યાં. બેલને વિમાનો અને યુદ્ધ વિમાનો ઉડાડવાનો ગઝબનો શોખ હતો.
         ૧૯૧૪ માં વિશ્વભરને ચાર વર્ષ સુધી ખડે પગે રાખનાર પ્રથમ વિશ્વયુધ્ધ શરૂ થયું. તે સમયે આલ્બર્ટ રોયલ ફ્લાઈંગ કોર્પ્સમાં સેકન્ડ લેફ્ટેનન્ટ તરીકે હતાં. પ્રથમ વિશ્વયુદ્ધમાં બ્રિટન તરફી લડતાં આલ્બર્ટ બેલે ૪૪ જેટલાં દિલધડક વિજ્યો મેળવ્યા હતા.૨૦ મી સદીમાં આવા જાંબાઝ અંગ્રેજો ને કારણે જ બ્રિટન પોણા ભાગની દુનિયા પર રાજ કરતું હતું.
          ૭ મે ૧૯૧૭ નાં રોજ યુદ્ધ હુમલા વખતે  આલ્બર્ટ પશ્રિમ મોરચો સંભાળતા હતાં ત્યારે  વાદળછાયા  વાતાવરણમાં તેનું વિમાન ઘેરાઈ ગયું ,તેમનું વિમાન તુટી પડ્યું અને બેલ રણમેદાનમાં વીરગતિને વર્યા. આ એવો બાહોશ યોદ્ધો હતો કે તેના વિષે  શત્રુ જર્મનોએ કહ્યું હતું કે "by far the best English flying man "
           ઇંગ્લેન્ડે તેનાં વીરયોદ્ધાનું  તેની શહીદીના માત્ર એક મહિના પછી વિક્ટોરિયા ક્રોસ આપી સન્માન કર્યું હતું.
અરુણ વાઘેલા
સૌજન્ય : દિવ્ય ભાસ્કર,૧૪ ઓગસ્ટ ૨૦૧૯,અમદાવાદ